Mr. Julian de Sp?inn:

É sin ráite, éisteadh le linn an phróisis comhairliúcháin do pholasaí an oideachas Gaeltachta so is féidir leis an Roinn moltaí agus eile a thógáil ar bord agus táimid ag súil go dtógfaidh sé ar bord na moltaí atá déantar. Mar atá luaithe ag Caoimhín Ó hEaghra, táimid ag súil go mbeidh polasaí ar conas gur féidir an t aitheantas a thabhairt do scoileanna nó scoileanna nua a chur ar bun, mar dhlúthchuid de. Chomh maith leis sin, creideann muid gur chóir go mbeadh spriocanna ann freisin ar nós mar atá sa Bhreatain Bheag, áit a bhfuil siad ag rá go bhfuil siad ag 23% don oideachas trí mheán na Breatnaise agus go bhfuil siad ag iarraidh bogadh go dtí 40%. Ciallaíonn sé sin go dtuigeann siad, trasna an státchórais, go mbeidh acmhainní ag teastáil chuige sin. Cheana féin agus iad ag fógairt seo, bhí siad ag caint faoi 23 scoil nua. Ní raibh siad ag fanacht ar thuairiscí nó ar thoil an phobail nó aon rud eile. Bhí siad ag rá chun go mbeadh an milliún cainteoir Breatnaise acu sa Bhreatain Bheag, go bhfuil siad ag breathnú ar an oideachas mar cheann de na dlúthphíosaí mar chuid de sin. Tá straitéis 20 bliain don Ghaeilge againn atá ag lorg 250,000 cainteoir. Tá an 20% maidir le hearcaigh nua le Gaeilge le baint amach san earnáil phoiblí. Is dlúthchuid, dár ndóigh, é an Ghaelscolaíocht chuige sin so ní dhéanann sé ach ciall dúinne mar sin sprioc intomhaiste, uaillmhianach a bheith san áireamh sa pholasaí sin. Mura mbíonn sprioc intomhaiste agus uaillmhianach ann, fiú má tá polasaí ann ar conas gur féidir aitheantas a bhaint amach do scoil, níl aon chinnteacht go dtabharfar an t-aitheantas sin mar go mbeidh siad ag rá nach bhfuil na acmhainní ar fáil nó níl sé sin mar thosaíocht acu sa mhór chur chuige. Tá an rud breise sin ag teastáil sa pholasaí ar a bhfuil an Roinn ag obair faoi láthair.