Éamon Ó Cuív (Galway West, Fianna Fail) | Oireachtas source

Mar is eol do Julian de Spáinn, aontaím go mór leis an éileamh a bhí ag an gconradh Aire Stáit a bheith ann le freagracht as oideachas trí Ghaeilge agus múineadh na Gaeilge i gcoitinne. Go dtí go mbeidh sé sin ann, tá an iomarca rudaí idir lámha ag an Aire. Dar liom, ba chóir jab lánaimseartha a thabhairt do dhuine amháin chun breathnú ar na ceisteanna seo ar fad. Mar aon le ceist na dtéacsleabhar, tá go leor rudaí le déanamh. Dar liom, dá mbeadh an rud a bhí an conradh ag lorg i bhfeidhm, thabharfadh sé deis don Rialtas na spriocanna uaillmhianacha seo atá i gclár an Rialtais a bhaint amach. Táimid ag deireadh na tréimhse agus níl siad bainte amach agus ní bheidh siad bainte amach. Níl siad bainte amach fós agus tá deich mí le himeacht.