Ms ?ine Lally:

Bíonn muid ag déanamh an-imní faoin dtuiseal ginideach i TG4. Bíonn cúrsaí gramadaí á ndéanamh againn de shíoraí seasta agus is maith ann iad. Ní hamháin sin, ach déanaimid ranganna Spáinnise freisin. Chuir duine de na hintéirnigh a bhí againn anuraidh agus fostaí TG4 anois, Rút Ní Theimhneáin - chuir sibh aithne uirthi níos túisce - ranganna Spáinnise ar fáil dúinn ag am lóin chuile Chéadaoin. Mar sin, tá an dá rud ann. Táimid ag foghlaim faoi cé chomh deacair is atá sé teangacha eile a fhoghlaim; mar sin, nílimid ag glacadh leis go bhfuil sé éasca. Ar an lámh eile, nílim ag rá go bhfuilim iontach agus go bhfuil muid 100% ó thaobh cúrsaí gramadaí nó tada ar an gcaoi sin.

Déanaimid cúrsaí gramadaí. Nuair a thagann na hintéirnigh isteach, déanann siad dioplóma i gcúrsaí margaíochta agus PR, cúrsaí gramadaí agus traenáil mojo, is é sin, mobile journalism. Déanann siad cúrsaí bainistiú ama. Cad iad na cúrsaí eile a bhíonn ar bun acu? AI.