Seán Kyne (Fine Gael) | Oireachtas source

Dírím mo cheist dheireanach ar Charoline Ní Fhatharta maidir le lóistín an champais. Tá a lán oibre déanta ag Ollscoil na Gaillimhe leis an áis nua i Dunlin Village agus Goldcrest Village freisin roimhe sin. Mar sin tá a lán leapacha ar fáil. An bhfuil céatadán leagtha amach do chainteoirí Gaeilge? An bhfuil siad le chéile ar urlár amháin? B’fhéidir gur bhfearr leo bheith le chéile nó b’fhéidir nár bhfearr. An bhfuil aon cinneadh ansin?