Éamon Ó Cuív (Galway West, Fianna Fail) | Oireachtas source

Bhí éileamh ann in 2000 - beagnach 25 bliain ó shin - go mbeadh stáisiún raidió ag Raidió na Gaeltachta do dhaoine óga. Tá Raidió na Gaeltachta thar cinn ach i ndáríre, is é an aicme céanna Gaeltachta a éisteann leis sin agus a éisteann le RTÉ 1. Sin an cineál meascán atá ann. Tá a fhios againn fhéin nach bhfuil go leor den aos óg i mBéarla ag éisteacht le RTÉ 1 go síoraí seasta, b'fhéidir go n-éisteann siad le corr-rud air. Éisteann siad le leithéidí 2FM. Bhí éileamh láidir ón bpobal óg ag an am go mbeadh stáisiún náisiúnta ghairmiúil a bheadh ag craoladh à la 2FM. An bhfuil pleananna ag RTÉ sin a chur ar fáil dóibh?