Dr. Aodh?n Mac Cormaic:

Cinnte, agus glacaimid leis an gcúram sin. Is é sin ceann de na jabanna gur cheart dúinn a dhéanamh agus tá gréasán á chothú. Luaigh Sadhbh Ó Cinnseala an gréasán de na daoine seo atá á chur ar bun sa státchóras. Bheinnse ag súil go mbeadh níos mó ná státseirbhísigh sa ghréasán seo agus go mbeimid ag díriú ar dhochtúirí, altairí agus ar dhaoine mar sin, len iad a chur ar an eolas faoi tábhacht atá leis an teanga, go háirithe nuair a bhreathnaíonn tú ar na ceantair Ghaeltachta nó na ceantair atá ar imeall na nGaeltachtaí sin. Sampla amháin ná Ospidéil na hOllscoile Gaillimh. Tá a fhios ag chuile dhuine atá ina gcónaí sa cheantar sin an difríocht a dhéanann sé d’othar le Gaeilge atá san ospidéil sin má thagann dochtúir nó altra le Gaeilge ina treo nó ina threosa. Déanann sé difríocht ollmhór don duine. Is é sin atá atáimid ag iarraidh a dhéanamh. Má tá Gaeilge ag na daoine atá ag obair sna poist sin nuair a thosaíonn siad, ba mhaith go mbeadh siad páirteach sna gréasáin seo agus go dtuigfeadh siad an luach atá leis an bua atá acu leis an teanga.