Aengus Ó Snodaigh (Dublin South Central, Sinn Fein) | Oireachtas source

Ceist amháin eile agus measaim nach ról na Roinne atá ann ach tá a lán daoine atá oilte i bpoist Stáit de shórt amháin nó sórt eile; dochtúirí mar shampla. I gcás dochtúir mo chlainne, bhí Gaeilge aige ach ní raibh sí á labhairt aige le deich mbliana go dtí go ndeachaigh m'athair isteach agus thosaigh sé ag labhairt leis agus, all of a sudden, bhí sé in ann. Cheap sé go raibh sé seo go hiontach ach níor smaoinigh sé riamh gur chóir dó craobhscaoileadh a dhéanamh air a chuid scileanna teanga. Bhí gá le tacaíocht. Ní gá don Roinn é a dhéanamh ach is gá na daoine atá amuigh ansin a mhealladh arís. Bhíodh feachtas ann agus measaim go bhfuil fós, dár teideal Gnó le Gaeilge. Leis na fógraí agus mar sin atá ag le feiceáil anois, tá daoine níos spreagtha.