Dr. Aodh?n Mac Cormaic:

Tá rud le rá go ginearálta faoi chuid de na poist is sinsearaí sa státchóras agus Gaeilge a bheith ag na daoine seo. Aon phost mar seo, tá tú ag iarraidh na daoine cearta a earcú. Tá go leor inniúlachtaí i gceist agus is teanga just ceann amháin acu. Le go mbeidh aon duine in ann feidhmiú i gceann de na poist seo, tá inniúlachtaí eile a theastaíonn i dtaobh cúrsaí rialachais agus taithí leathan. Ní hamháin sin ach níl tú ag iarraidh a bheith teoranta. B’fhéidir go mbeidh an t-ádh leat go bhfaighidh tú duine amháin sármhaith isteach le hagallamh le haghaidh ceann de na poist seo agus go mbeidh an t-ádh leat an duine sin a earcú agus go mbeidh siad go breá ag feidhmiú mar oifigeach sinsearach. Is córas folláin a theastaíonn anseo agus le córas folláin, gheobhaidh tú go leor iarratas ó dhaoine atá ar chomhchaighdeán lena chéile agus beidh tasc fíordheacair ag an mbord agallaimh daoine a roghnú chun na poist shinsearacha sin. Le dul i ngleic leis seo, d’aithin muid gur b’fhéidir gur rud é seo a thógfaidh glúin le réiteach. Má éiríonn linn an sprioc earcaíochta seo atá leagtha amach go 2030 a bhaint amach, beidh lear mór daoine le Gaeilge á dtabhairt isteach sa státchóras chuile bhliain. Tógfaidh sé glúin, b’fhéidir, go mbeidh na daoine sin ann. Caithfimid glacadh leis go mbeidh go leor acu ag teacht isteach ag leibhéal sóisearach ach oibreoidh siad sin trí na leibhéil suas go leibhéal-----