Dr. Aodh?n Mac Cormaic:

Tá siad thar a bheith tacúil agus táimid ag déanamh dul chun cinn. Ar an rud eile a luaigh an Teachta faoi na poist eile, tá go leor post seachas poist generalist, mar a dtugann muid orthu sa státseirbhís, ann. Tá dochtúirí, altraí and all of that. Is iomaí duine atá ag teacht amach as scoileanna lán-Ghaeilge, taobh istigh agus taobh amuigh den Ghaeltacht, a dhéanann leigheas nó a théann go dtí an ollscoil chun staidéar a dhéanamh le bheith ina n-altraí, ina n-oibrithe sóisialta nó mar sin. Táimid ag iarraidh dul i ngleic leis na daoine sin agus iad a chur ar an eolas go bhfuil an teanga atá acu ina háis fhíorluachmhar chun iad a spreagadh gan í a chailleadh. Táimid ag cur deiseanna ar fáil dóibh, a fad is atá siad ag dul tríd an ollscoil ag déanamh na cúrsaí, an Ghaeilge a choinneáil suas. Beimid ag caint leis na hollscoileanna faoi sin mar chuid den athbhreithniú atá á dhéanamh maidir leis an tionscnamh ardscileanna Gaeilge.