Dr. Aodh?n Mac Cormaic:

Bhí go leor díospóireachta maidir leis seo ag Céim an Choiste nuair a bhí an tAcht ag dul tríd. Is éard a deir na saineolaithe ó Ollscoil Mhá Nuad faoin gceist ná gurb é leibhéal B2 an leibhéal cuí do dhaoine ag dul isteach i jab ginearálta chun gur féidir leo comhrá a dhéanamh le daoine. Inár jabanna féin, bímid ag plé leis an nGaeilge agus leis an earnáil chuile lá agus bheadh leibhéal C1 ag teastáil. Braitheann sé ar an bpost. Bheadh leibhéil éagsúla taobh istigh den B2. Mar shampla, b'fhéidir nach mbeadh ag teastáil ó thiománaí bus atá ag dul siar go Conamara ach leibhéal B2 sa chaint seachas B2 i nGaeilge scríofa. Caithfimid breathnú ar na poist éagsúla agus na riachtanais a bhaineann leo a aithint. Beidh cuid den obair sin á déanamh mar chuid den phlean náisiúnta.