Joe McHugh (Donegal, Fine Gael) | Oireachtas source

Tá mo cheist ar shiúl cheana féin, an ceann a bhí mé ag smaoineamh faoi. Bhí an Dr. Mac Cormaic ag labhairt faoi cúpla bomaite a chuaigh thart. Fearaim fáilte roimh na finnéithe. Gabhaim buíochas leo as achan rud agus as a gcuid díograise agus a n-iarrachta ar son na teanga agus na tíre fosta faoi sin.

B'fhéidir go bhfuil an cheist chéanna agam. Táim ag smaoineamh faoin gcomórtas idir an Eoraip, Strasbourg, an Bhruiséil agus na múinteoirí scoile, cibé meánscoileanna nó bunscoileanna iad, maidir leis na fadhbanna agus na deacrachtaí earcaíochta atá i gceist. An bhfuil an soláthar ann maidir leis na daoine sin a fháil? An bhfuil an caighdeán san áit chéanna ina raibh sé cúpla bliain ó shin nó an bhfuil athrú ann maidir leis an gcaighdeán? Bhí comhrá mór agus cuimsitheach ann ag an am faoi sin cúpla bliain ó shin. An bhfuil aon athrú á bhaint á bhaint amach maidir leis an leibhéal sin?

Chomh maith leis sin, caithfear a rá go bhfuil áit dhifriúil ann sa tír. Tá fuinneamh dearfa ann in achan páirt den tír, agus sa Tuaisceart fosta, faoin teanga agus tá sé sin difriúil ná mar a bhí sé. B'fhéidir go mbeidh sé níos dearfa amach anseo. Tá an tríú ceist atá agamsa faoin gcaighdeán atá ag teacht amach as na meánscoileanna. An bhfuil na finnéithe sáste leis sin?