Ms Sadhbh ? Cinnseala:

Ba mhaith liom díreach a lua chomh maith gur gné shuntasach den rud seo uilig ná feasacht a chothú agus go bhfuilimid ag imeacht ó na poist a bheith sáinnithe agus is é sin a bhíodh ann. Bhí traidisiún agus gnáthról ag Gaeilge aitheanta agus mar sin de. Tá go leor feasachta agus seimineár faisnéise á reáchtáil againne leis na comhlachtaí poiblí. Ghlacamar páirt i gcur i láthair le líonra na n-earcaithe tríd an tSeirbhís um Cheapacháin Phoiblí ag iarraidh a chur ina luí nach bhfuilimid ag caint ar róil sáinnithe le Gaeilge a thuilleadh ach go bhfuilimid ag caint go mbeadh na daoine seo ag teacht isteach ar róil na gcomhlachtaí poiblí. Tá roinnt oibre feasachta le déanamh againn i measc na gcomhlachtaí poiblí, nó bhí, leis an athrú meoin sin agus an struchtúr féin a athrú.