Ms Sadhbh ? Cinnseala:

Tiocfaidh mé isteach go sciobtha. Is gné eile atá tábhachtach ná go mbeifear ag breathnú ar bhunlíne a sheasfadh amach maidir leis an leibhéal inniúlachta reatha atá san earnáil phoiblí mar is gné thábhachtach a bheidh ann maidir leis an 20%, an earcaíocht agus fáil ar na ndaoine atá istigh sa chóras cheana féin. An bhfuiltear ag baint an úsáid is fearr as na daoine sin? An bhfuil siad lonnaithe san áit is fearr? An bhfuil siad sna róil is fearr a bheith ann? Tá sé de dhualgas ar an gcoiste suirbhé a dhéanamh ar inniúlacht san earnáil phoiblí gach cúig bliana ach táimid ag iarraidh teacht ar na torthaí roimhe sin leis an taighde. Beidh sé sin mar chuid den taighde seo chomh maith agus beifear ag breathnú ar céard is féidir a dhéanamh le daoine atá istigh sa chóras, b'fhéidir, a bhfuil ag leibhéal ar leith acu agus nach bhfuil sa ról is fearr, nó a bhfuil báúil tabhairt faoi chúrsaí Gaeilge, agus mar sin de. Beidh orainn breathnú freisin ar an gcaoi inar féidir linn a chumasú dóibh dul i dtreo agus a bheith ag obair trí mheán na Gaeilge chomh maith.