Seán Kyne (Fine Gael) | Oireachtas source

Fáiltím roimh an Dr. Mac Cormaic, Emily Maloney agus Sadhbh Ó Cinnseala go dtí an coiste. Cuirim fáilte freisin roimh an gcur i láthair atá déanta ag an Dr. Mac Cormaic, inar dúirt sé go bhfuil tús curtha leis an obair thábhachtach atá ar siúl acu le deich gcruinniú ag an gcoiste suas go dtí seo agus ceann amháin eile ar an gclár don tseachtain seo.

Go díreach, agus ag labhairt faoin obair atá ar bun acu faoi láthair agus an plean náisiúnta um sheirbhísí poiblí Gaeilge, céard go díreach a bheidh leagtha amach sa phlean sin agus cén chaoi a chabhraíonn sé leis an obair atá le cur i bhfeidhm ag an Roinn?