Éamon Ó Cuív (Galway West, Fianna Fail) | Oireachtas source

Ní hé sin atá mé ag moladh ar chor ar bith. Tá seisear ainmnithe. Tharla sé dhá nó trí huaire - níl a fhios agam faoin méid sonrach sin - gur ainmnigh an tAire - ní raibh ach triúr ainmnithe ag an am - duine ó na hoileáin le bheith ar an mbord mar dhuine de na daoine ainmnithe. D'fhéadfaí foráil a chur ann go gcaithfí duine a ainmniú a bheadh cónaí air nó uirthi ar na hoileáin.