Ms F?ona de Buis:

B'fhéidir nár mhiste leo dul go dtí 20 ach, ónár dtaobh, mar a deir an Teachta, tá an daonra íseal agus tá méid na gcainteoirí laethúla íseal, ach creidimid go bhfuil an dá rud ag dul i méid agus go bhfuil níos mó daoine ag teacht isteach. Tógfaidh mé mar shampla áit an-bheag ar fad. Ní fiú ar éigean go bhfuil sráidbhaile ann ach tá baile fearainn ann, Baile an Sceilg. Tá 400 duine lonnaithe ansin. Mar a deir muid san aighneacht, i rith na bpaindéime, tháinig níos mó ná 30 duine ar ais. Is daoine iad a raibh tithe saoire acu agus tá siad anois lonnaithe ann. Tá sé i gceist mol Gteic a thógáil ansin. Chabhródh sé sin go mór. Tuigimid go bhfuil cúrsaí lag agus leochaileach. Caithfear aitheantas a thabhairt dó sin ach, ag an am céanna, caithfear glacadh leis an saghas muiníne, díograise agus chur chuige atá sa cheantar agus seans a thabhairt dó.