Mr. Miche?l ? h?anaigh:

D’fhiafraigh an Teachta an mbeifí in aghaidh na meáin freastal ar aon chuid de chruinniú an bhoird. Ní cheapfainn go mbeadh ach sílim go gcaithfí a bheith an-soiléir faoin mhéid agus faoi na hábhair a bheadh faoi chaibidil in aon chruinniú oscailte. Is rud é sin go bhféadfaí a bhainistiú. Rud ar bith a thabharfaidh an t-údarás níos gaire don phobal, tá sé le moladh. Pé chomh gar agus pé méid úinéireachta gur féidir le pobal na Gaeltachta a bheith acu ar an údarás, tá sé níos fearr don údarás agus tá sé níos fearr don Ghaeltacht. Is rud é sin go bhféadfaí a dhéanamh ach go gcaithfí é a bhainistiú agus go gcaithfí a bheith an-soiléir faoi na gnéithe den chruinniú a bheadh oscailte.