Ms Anna N? Ghallachair:

Tá a fhios agam mar tá comhalta ar an bhord a luaigh mé - níl a fhios agam cé mhéad againn uilig go léir atá ann, b'fhéidir deich gcloigne - agus an t-iarchathaoirleach ar an choiste sin is Emyr Davies as an Bhreatain Bheag atá ann. Tá scrúduithe ag an Bhreatain Bheag atá díreach ag teacht go hiomlán leis na leibhéil agus thug siad comhairle dúinn nuair a thosaigh muid amach ag obair ar TEG nuair a bhí mise in Ollscoil Mhá Nuad. Tá scrúduithe acu ag leibhéil A1, A2, B1 agus B2 agus téann sé síos go dtí C1 ach níl mé cinnte faoi sin. Tá sé ag na Bascaigh, na Catalónaigh, na Francaigh, na hAlbanaigh, na Danmhargaigh, na hIoruaigh, na Sualannaigh, na Fionlannaigh agus araile.