Ms Anna N? Ghallachair:

Tá mé ag caint ar choistí infheistíochta, mar shampla. Tá coiste infheistíochta san údarás cheana féin ach b’fhéidir go mbeadh níos mó cumhachta ag an gcoiste sin agus go mbeadh cúpla comhalta ón mbord ar an gcoiste sin agus duine nó beirt seachtracha ó na hearnálacha ábhartha nó rud éigin mar sin. Níl an oiread sin machnaimh déanta agam air mar ní bhaineann an cheist liom féin go sonrach a thuilleadh ach i mo thuairimse, mar atá ráite agam, bheadh athstruchtúrú le déanamh má tá muid ag iarraidh an gaol leis an bpobal a neartú, níos mó eolas a thabhairt don phobal agus dá mbeadh toghchán i gceist, níos cosúil leis an gcomhairle contae. Bheadh muid ag imeacht ón struchtúr a fheiceann muid in eagraíochtaí cosúil le Fiontar Éireann agus an IDA. Táimid níos cosúil leo sin faoi láthair.