Ms Sorcha N? Ch?illeachair:

Tá. Déanfaidh mé iarracht agus b’fhéidir go meabhróidh an Teachta roinnt de na ceisteanna dom má théann siad ó mheabhair orm féin.

Bhain an chéad cheist ag an Teachta le tógáil páistí agus mar sin. Nílim róchinnte cad a bhí i gceist aige. Tá mise ag déanamh amach go bhfuil sé fós ag tarlú go nádúrtha, go bhfuil daoine ann agus nuair a bhíonn páistí acu tarlaíonn sé go hiomlán nádúrtha sa tigh go dtógtar an páiste le Gaelainn mar gur í sin an teanga atá ag na tuismitheoirí nó na seantuismitheoirí nó pé duine atá sa tigh. Tá mise ag déanamh amach go bhfuil sé sin ag tarlú fós, go háirithe i gConamara agus sna ceantair láidre. B’fhéidir sna ceantair eile má tá daoine ann, mar a deir an Teachta, atá ag obair in earnáil na Gaeilge agus mar sin go bhfuil roinnt machnaimh déanta acu ar an gceist agus go bhfuil a fhios acu roimh ré gur seo a dhéanfaidh siad. Mar sin, tá an dá rud ann fós. Sin mo thuiscint ar an gceist, go bhfuil an Teachta ag rá go bhfuil cinneadh á dhéanamh ag daoine anois. An ea?