Aindrias Moynihan (Cork North West, Fianna Fail) | Oireachtas source

Gabhaim buíochas le Sorcha Ní Chéilleachair as an gcur i láthair. Bhí an-suim agam sa phlé ansin. Tá cúpla ábhar faoi leith gur mhaith liom díriú isteach orthu. Baineann siad leis na meáin agus leis an teagmháil a bhíonn ag an údarás leis an bpobal agus an easpa eolais ina thaobh sin. Tá rud eile le hardú agam maidir le hionadaithe pobail, cé a bheadh ag seasamh, na srianta agus mar sin de.

Díreoidh mé ar dtús ar an easpa eolais a bhíonn ann maidir le cad go díreach a tharlaíonn i gcruinnithe bhord an údaráis. Is minic a bhíonn na meáin ag cruinnithe de na comhairlí contae, cé go mbíonn roinnt mhaith cruinnithe comhairle contae ann nach nglacann siad páirt iontu. Bíonn sruth maith eolais ag teacht tríd na meáin agus tríd na hionadaithe pobail éagsúla. Ní bhíonn na meáin ag cruinnithe den údarás. Cad go díreach a bhféadfadh Sorcha Ní Chéilleachair a bheith ag súil leis ón eolas sin? Cad atá á lorg ann aici? Ba mhaith liom tuairim a fháil air sin mar, go minic, bíonn ábhair á bplé ag an údarás a bhaineann le heolas confidential mar gheall ar chomhlachtaí éagsúla. Tuigim nach mbeadh sé sin á scaipeadh. Is dócha go bhfuil an-chuid eolais eile go bhféadfaí é a sheoladh amach. Cad go díreach go bhféadfadh sí ag súil leis ansin? An mbeadh daoine ó na meáin ag suí isteach ar na cruinnithe? Cén saghas eolais a bhféadfaidís a bheith ag súil le cloisteáil? Faoi láthair, cloiseann tú ó ionadaithe poiblí, daoine atá tofa mar chomhairleoirí contae, toisc go bhfuil siad mar chomhairleoirí contae. Ní dóigh liom go gcloiseann tú aon rud ó aon duine eile, seachas an cathaoirleach, b'fhéidir. Is dóigh go gcloistear an t-eolas sin purely toisc go bhfuil na daoine sin mar ionadaithe tofa. An bhféadfaí soiléiriú a thabhairt ar cad go díreach a bhféadfaí a bheith ag súil leis agus cén saghas sruth eolais a bheadh á lorg ansin?