Ms Sorcha N? Ch?illeachair:

Beidh sé an-sásta gur luaigh an Seanadóir é. Tá mé ag ceapadh gur saghas ainmhí faoi leith é bord an údaráis. Tuigim cad atá i gceist ag an údarás ach tá an eilimint sin agus beidh ann arís gur bord daonlathach é, atá tofa chomh maith. Ba cheart cás eile a dhéanamh de bhord an údaráis mar níl sé cosúil leis na boird Stáit eile go bhfuil an toghchán sin ann agus gur cheart é sin a aithint. Is é an rud a bhí ag tarlú, ó mo chúlra féin i gcúrsaí iriseoireachta, ná go mbíodh roinnt de faoi rún agus go scaoilfí isteach na meáin go dtí an chuid eile. Bhíodh díospóireachtaí maithe ar bun agus bhíodh scéalta a bhí mé in ann a chur in iúl don phobal. Sa chaoi sin, bhí an pobal in ann féachaint a fháil ar an méid a bhí na daoine a bhí tofa ag déanamh ar a son ar bhord an údaráis. Is cuid den dá rud é an bord. Is leath-chomhairle contae agus leath-bhord Stáit é.