Seán Kyne (Fine Gael) | Oireachtas source

Cuirim fáilte roimh Shorcha Ní Chéilleachair. Tá Tuismitheoirí na Gaeltachta an-láidir ar son oideachais trí mheán na Gaeilge do dhaoine óga atá ina gcónaí sa Ghaeltacht. Tá súil agam go n-aontóidh siad leis an gceannteideal ar leathanach 5 go mbeadh dualgas ar aon iarrthóir do thoghchán an údaráis caighdeán B2 sa Ghaeilge a bhaint amach i gcomhar leis an bhfráma tagartha comónta Eorpach do theangacha. An aontódh Tuismitheoirí na Gaeltachta gur cheart go mbeadh vóta ag chuile dhuine sa Ghaeltacht, is cuma muna bhfuil Gaeilge acu nó má tá Gaeilge acu ach nach bhfuil siad á húsáid? An bhfuil aon smaointe ag an bhfinné faoi sin?