Professor Gear?id ? Tuathaigh:

Is ceist an-shimplí é agus tabharfaidh mé freagra don Teachta. Is é an rud a bhí á rá agam ná sa dréacht atá anseo tá an cathaoirleach le hainmniú as measc an 16 duine. An rud a bhíos ag rá ná ar shlí nuair atá toghcháin bíonn vótaí á gcomhaireamh. Tá dhá thoghlach ansin ina bhfuil níos mó duine amháin le toghadh agus dá réir sin beidh vótaí ann, beidh duine amháin le vóta níos airde ná an duine eile agus mar sin de. Táim ag caint ar conas mar a fheidhmíonn an t-údarás. Tá cathaoirleach ann agus tá na baill ann agus mar sin de. D'fhéadfadh sé a bheith níos fearr sa deireadh thiar thall. Nílim 100% ag moladh rud éigin anseo ach ba chóir machnamh a dhéanamh an mbeadh sé níos fearr a rá go neamhbhalbh go dtiocfaidh an cathaoirleach ón seisear. Ós rud é gurb é an tAire a ainmneoidh an cathaoirleach, in áit an tAire a bheith ag ainmniú cathaoirligh as measc na ndaoine atá tofa-----