Mr. Donncha ? h?allaithe:

Tuigim an cheist. Leis an fhírinne a insint, ní mar gheall ar aon choimhlintí leasa a bheinnse ar son an ruda atá molta, sé sin, nach mbeadh cead ag daoine a bheith ar chomhairle contae nó ar údarás áitiúil ná sa Dáil, sa Seanad ná i bParlaimint na hEorpa agus ar Údarás na Gaeltachta ag an am céanna. An chúis leis sin ná an méid a chonaiceamar ag tarlú nuair a bhí go leor comhairleoirí contae ar an údarás cheana, nuair a bhí an t-údarás tofa. I ndáiríre, bhí sé polaitiúil i mbealach nach raibh sé ceaptha bheith polaitiúil. Tar éis a bunaíodh Údarás na Gaeltachta, ní raibh sé i gceist aige a bheith polaitiúil ach mar gheall ar an mbealach gur toghadh go leor comhairleoirí contae ar an údarás, agus togha dhaoine a bhí iontu, fuair an t-údarás an-pholaitiúil ar feadh píosa agus is beag nár scrios sé an t-údarás. Mar shampla, bhí whip á chur i bhfeidhm ag na páirtithe móra polaitíochta, Fianna Fáil agus Fine Gael, istigh ar bhord an údaráis. Ní dóigh liomsa gur rud sláintiúil é sin. Is deacair é sin a stopadh. Lena chinntiú-----