Aengus Ó Snodaigh (Dublin South Central, Sinn Fein) | Oireachtas source

Is é an rud a bhí i gceist agam ná nach raibh aon airgid caipitil breise tugtha don údarás. Ní raibh sé díreach ar an togra sin. Bhí airgead breise ann don riarachán agus pá agus a leithéid agus itheadh a lán de sin suas ag ardú pá agus ardaithe ó thaobh pinsin de. I gcomparáid leis an IDA nó Fiontair Éireann, bhí fíor-bheagáin d’ardú ann don údarás.

I dtaca leis ceann de na ceisteanna a chur mé, an rud a bhí i gceist agam ná de réir Údarás Craolacháin na hÉireann, BAI, caithfear 30% de chlár a bheith i nGaeilge le bheith sainithe mar chlár dhátheangach ach níl aon sainmhíniú atá chomh soiléir céanna ar ceard atá i gceist le clár Gaeilge. Dar leis an BAI, is féidir leis an mBéarla a bheith fite fuaite tríd an gclár, nó a bheith fánach nó riachtanach. Níl sé soiléir an gá go mbeadh 80% nó 90% den chlár a bheith i nGaeilge; níl aon sainmhíniú ann. B’fhéidir gur rud é seo gur féidir díriú isteach ar.