Éamon Ó Cuív (Galway West, Fianna Fail) | Oireachtas source

Is í an tAire an chéad Aire a d’admhaigh nach bhfuil siad ag cur an straitéis 20 bliain i bhfeidhm. Céard atá i gceist ag an Aire a dhéanamh? Má leanann an Tuaisceart ar aghaidh a bheith gann ar airgead agus gan Feidhmeannas ag feidhmiú, nó fiú má bhíonn an Feidhmeannas ag feidhmiú agus fós tá ganntanas airgid ó Thuaidh, an bhfuil an tAire chun airgead na Gaeilge a choinneáil siar de bharr nach bhfuil an cómhaoiniú ar fáil ón Tuaisceart? An bhfuil i gceist aici feithicil éigin a chur ar fáil le gur féidir linne mar Stát airgead a chur ar fáil don Ghaeilge ar fud na tíre, nó ar fud an domhain nó áit ar bith a shocróidh muid, chun nach mbeimid ag brath ar na Tuaisceartaigh agus an easpa airgid acu siúd?