Catherine Martin (Dublin Rathdown, Green Party) | Oireachtas source

Tiocfaidh mé ar ais air sin. Tá sé tábhachtach a rá go bhfuil méadú tagtha ar an maoiniú don Ghaeilge agus don Ghaeltacht sa Vóta ó ceapadh mé mar Aire. Tá méadú os cionn €35.7 milliún nó 50% tagtha ar mhaoiniú do réimse clár na Gaeltachta le cúig bhliain anuas. Tá sé tábhachtach é sin a rá. Léiríonn na méaduithe sin cé chomh tiomanta agus atá mé don Ghaeilge agus do phobal na Gaeltachta. Is rud tábhachtach é sin a rá. Léiríonn na méaduithe é sin. Mar Aire, tá orm cothromaíocht a bhaint amach idir brú an chaiteachais agus tosaíocht beartas i ngach réimse clár i gcónaí, lena n-áirítear idirbheartaíocht agus leithroinntí buiséid. Léiríonn na méaduithe atá déanta i réimse clár na Gaeltachta, le cúig bhliain anuas, cé chomh tiomanta agus atá mé don Ghaeltacht agus don Ghaeilge. Leanfaidh mé leis an tiomantas seo sa tréimhse atá amach romhainn. Beidh mé ag moladh chun acmhainní breise a fháil nuair is gá, laistigh de chlár na Gaeltachta, le súil leanúint leis an maoiniú méadaithe le cúig bliana anuas, a mhéid agus is féidir.