Aindrias Moynihan (Cork North West, Fianna Fail) | Oireachtas source

Aontaím go láidir leis an Aire mar gheall ar Cúla4, an t-éileamh agus an tairbhe a bhainfeadh leis. Is dea-scéal é go bhfuil an tAire dírithe ar Mheán Fómhair. Fáiltím roimhe sin. Maidir leis an raidió, tá sé luaite go bhfuil sé mar chuid de cheadúnas na gcainéal éagsúil ach táimid tar éis taighde a dhéanamh air sin cheana féin anseo. Bhí finnéithe anseo linn agus is beag iarracht, is baolach, atá an-chuid de na cainéil raidió éagsúla commercial ag déanamh ar fhreastal ar phobal na Gaelainne. Tá Raidió na Gaeltachta ag déanamh gaisce ag freastal ar an bpobal sin ach níl na cainéil eile. Tá bearna ann agus tá éileamh ann. Más féidir in aon slí brostú ar aghaidh nó brú a chur in aon áit chun é sin a bhrú ar aghaidh, bheadh fáilte roimhe. Ba chóir go mbeadh cainéal dírithe ach go háirithe ar riachtanais dhaoine óga, ní hamháin ceol ach scéalta tráthúla, current affairs, agus aon rud eile go mbeadh suim ag daoine óga ann. Más féidir in aon slí bhrú a chur ar aon eagraíocht chun é sin a thabhairt chun cinn, bheadh sé an-tairbheach agus bheadh fáilte roimhe.