Catherine Connolly (Galway West, Independent) | Oireachtas source

Bhí an méid a luaigh an Dr. Lynn an-suimiúil agus an tuarascáil ach go háirithe. Rachaidh mé ar ais agus léifidh mé an tuarascáil sin. Tá ceist agam maidir le dhá rud. Luaigh sí “corporate responsibility” agus “the level of corporate social responsibility”. Tá sé sin suimiúil. Luadh gur chóir dúinn níos mó brú a chur ar na comhlachtaí. Luaigh sí an 7,000 teanga atá á labhairt ar fud an domhain. Tá difríocht mhór idir na teangacha sin agus an Ghaeilge - go hoifigiúil ar aon nós - mar is í an Ghaeilge príomhtheanga na tíre seo. Ní mionteanga í, in ainneoin gur mionlach iad na daoine a labhraínn í. Tá ag teipeadh orainn ar gach leibhéil brú a chur ar na comhlachtaí móra. Dúirt an Dr. Lynn go bhfuil Science Foundation Ireland i mbun caidrimh leis an Roinn. An féidir tuilleadh sonraí a thabhairt dúinn faoi stádas na gcomhrá sin nó cá bhfuil cúrsaí? Cad atá faoi chaibidil sa phlé sin leis an Roinn?