Aindrias Moynihan (Cork North West, Fianna Fail) | Oireachtas source

Gabhaim buíochas le hAndrea Feeney as an tuairisc. Níl ach cúpla ceist agam i ndáiríre mar tuigim go bhfuil roinnt mhaith obair déanta ag Coimisiún na Scrúduithe Stáit chun an plean seo a thabhairt chun cinn. An raibh na páirtithe go léir ar aon aigne mar gheall ar an gcaighdeán nó ar an bpáipéar ar deireadh nó an raibh aon easaontas ann? B'fhéidir go bhféadfadh leis na finnéithe soiléiriú a thabhairt air sin. Luaitear chomh maith, mar chuid den phróiseas forbartha go raibh roinnt plé idir chigireacht CNCM agus a leithéid agus, mar chuid dó sin, go raibh roinnt anonn agus anall. An raibh an coimisiún ábalta gach ceist a réiteach go sásúil ag an tráth sin nó an raibh na páirtithe éagsúla sásta le pé réiteach agus leagan amach a cuireadh chun cinn?