Catherine Connolly (Galway West, Independent) | Oireachtas source

Luaigh an Teachta Daly go rabhamar i mBéal Feirste, in áis darb ainm An Droichead. Áis iontach ar gach leibhéal atá ann. Dúradh linn go dtagann 60% de na hacmhainní a fhaigheann an áis ó fhoinsí príobháideacha agus tagann 40% ón stát. Chuir mé ceist mar bhean shoineanta an raibh an cúnamh sin ag dul sa treo ceart. Bhí mé ag súil go dtiocfadh níos mó airgid ón earnáil phoiblí. Dúradh liom go raibh sé agus go raibh siad ag súil go mbeadh sé roinnte 80:20, nó rud mar sin, le 80% ón earnáil phríobháideach. Ní ón earnáil phríobháideach, ach chun an t-airgead a bhailiú. Sin é an neamhspleáchas a léiríodh dúinn. Baineadh stangadh asam ar a lán leibhéil. Bhí an spiorad iontach ann.