Éamon Ó Cuív (Galway West, Fianna Fail) | Oireachtas source

Mar rud atá spéisiúil, gasúir a thógtar i dteaghlaigh le Gaeilge agus go bhfuil fadhb foghlama acu, foghlaimíonn siad an Béarla agus is é an Béarla a labhraíonn siad sula dtagann siad ar scoil.

Tá go leor tíortha dhátheangacha ar domhan. Tá níos mó tíortha atá dhátheangach nó an tríú nó an ceathrú teanga acu. Bíonn muintir na hAfraice thar cionn ar fad agus bíonn an ceathrú, an cúigiú nó an séú teanga acu. Níor léir go mbíonn an fhadhb acu siúd, is cuma cén cumas foghlama atá acu, le teangacha a fhoghlaim ó bhéal. Má tá tú in ann teanga a labhairt an-mhaith agus má fhaigheann tú eochair na scríbhneoireachta níos deireanaí, creidim go dtiocfaidh sé sin chugat réasúnta éasca. Má tá tú á labhairt i gceart, níl ann ach cineál code atá ag teastáil ansin chun é a aistriú síos ar pháipéir amach anseo. Ach ní féidir rud a scríobh nach féidir a rá. Is féidir rud a rá nach féidir a scríobh ach ní féidir rud a scríobh nach féidir a rá, nó nach féidir a chur i do chloigeann. Tá sé chomh simplí le sin.