Éamon Ó Cuív (Galway West, Fianna Fail) | Oireachtas source

Tá sé sin fíor. Tá siad “neamhspleách” ach má tá dochar á dhéanamh do dhaoine ó thaobh oideachais de, cé atá ag íoc na n-ollscoileanna? Ní ghlacaim leis go bhfuil aon duine sa tír seo atá ag fáil an méid sin airgid Stáit chomh neamhspleách sin ar an Stát nach féidir mórpholasaí a leagan síos. Ní féidir linn a rá leo duine amháin a ligean isteach agus gan duine eile ach ó thaobh rud chomh mór le rás na bpointí, ní fhéadfaidh muid é a fhágáil ag institiúidí príobháideacha atá neamhspleách ó thoil an Oireachtais agus toil an phobail. Cheisteoinn é sin. Is féidir leis an Stát idirghabháil a dhéanamh. Deirtear i mBéarla, “he who pays the piper calls the tune”.