Aindrias Moynihan (Cork North West, Fianna Fail) | Oireachtas source

Bhí an-suim agam sna tuairiscí agus sa phlé ansin le tamall chomh maith. Bhí pointe an-mhaith ann mar gheall ar na daoine a thagann ó thíortha thar lear nach bhfuil an taithí acu fiú ar Bhéarla agus go bhfuil an tacaíocht ar fáil dóibh. Cad ina thaobh nach mbeadh a leithéid ar fáil i nGaelainn? Is deacair é a thuiscint. Tuigim go bhfuil an brú ar fad ag teacht i dtreo an phríomhoide faoin tráth seo anois agus go mb'fhéidir go mbeadh caighdeán difriúil i ngach scoil nó ag gach príomhoide. Chuir sé ionadh orm nuair a luadh go raibh daoine ag lorg díolúintí sna Gaelscoileanna. An bhfuil daoine ag lorg díolúintí in aon ábhar eile amhail PE nó an bhfuil aon eolas nó figiúirí ann? Níl plean aontaithe ag na grúpaí ar fad ach an bhfuil pointí comónta ann a mbeidís aontaithe orthu agus a bhféadfaí a thabhairt chun cinn?