Mr. Alan Esslemont:

An rud is tábhachtaí faoi láthair, agus ar a bhfuilimid ag déanamh céimeanna chun tosaigh, ná go bhfuil TG4 ar fáil ar Freeview. Tá an-éileamh ar Freeview. Níl sé cosúil le Saorview sa Deisceart. Tá TG4 ar chainéal Uimh. 51. Léiríonn an taighde atá déanta againn go mbíonn go leor daoine sa Tuaisceart ag breathnú ar TG4 tríd an aip mar nach bhfuil TG4 ar fáil go héasca trí Freeview. Le roinnt blianta anuas, tá mé ag caint le Ofcom agus DCMS ag iarraidh fáil amach an dtabharfaí stádas public service prominence do TG4. Táimid ag déanamh dul chun cinn faoi láthair ach is de réir a chéile a thiocfaidh sé.

Má thiteann rudaí amach i gceart, d'fhéadfadh TG4 a bheith sa spás céanna is atá BBC ALBA nó S4C, is é sin, sa chéad deich n-uimhir ar Freeview. Táimid ag iarraidh uimhir a hocht a bhaint amach.