Ms Anna Heussaff:

Chun cur leis sin, baineann sé leis an ngairmiúlacht agus an maoiniú atá ag teastáil ó na foilsitheoirí chomh maith. Cé go dtuigim go maith an méid atá ráite ag Tadhg Mac Dhonnagáin maidir le leabhair áirithe a fuair ard-aitheantas i saol na Gaeilge a chur chun cinn is saol an Bhéarla, ach más uair sa bhliain a tharlaíonn sé i gcás leabhar amháin ag teacht ó fhoilsitheoir amháin, is lú go mór an seans, dar liom féin mar dhuine a bhí ag obair sna meáin chumarsáide chomh maith, go mbeadh an glacadh sin aige. Má tá ceithre nó cúig cinn d'fhoilsitheoirí, d’fhéilte Gaeilge agus d’imeachtaí difriúla ag déanamh bolscaireachta mar is gá a dhéanamh in am tráth, na míonna roimh ré, agus an t-ábhar a bheith déanta go maith agus go snasta agus araile, agus an polasaí ag na cláir raidió agus na féilte, fásfaidh sé de réir a chéile. Ní tharlaíonn sé aon uair amháin, anois agus arís. Caithfear tógáil air ar bhealach leanúnach agus eagraithe.