Oireachtas Joint and Select Committees
Wednesday, 1 June 2022
Joint Committee on the Irish Language, the Gaeltacht and the Irish Speaking Community
Foilsitheoireacht agus Léitheoireacht na Gaeilge: Plé (Atógáil)
Aengus Ó Snodaigh (Dublin South Central, Sinn Fein) | Oireachtas source
An é Robert McMillen an t-aon iriseoir atá á scríobh do The Irish Newsas Gaeilge? Tá an ceart aige o thaobh ábhar de mar is fiú na hailt a bheith as Gaeilge seachas a bheith faoin Gaeilge, chun a léiriú go bhfuil réimse i bhfad Éireann níos mó san iriseoireacht sin. Go minic, nuair a fheiceann an pobal nuachtáin nó ailt i nGaeilge, síleann siad go bhfuil an t-ábhar sin faoin nGaeilge féin agus bogann siad ar aghaidh, go háirithe más déagóirí nó daoine óga atá i gceist nach bhfuil ag féachaint isteach agus ag úsáid nó ag léamh nuachtáin sa bhealach a léifí iad roimhe seo. Caithfimid iad a mhealladh chun ailt Ghaeilge a léamh ar líne nó i nuachtáin nach mbaineann leis an nGaeilge chomh maith leo siúd a bhaineann leis an nGaeilge.
No comments