Ms Deirdre N? Thuathail:

Sular tháinig an córas nua sin isteach, an córas ina gceannaítear leabhair trí chomhlacht amháin, bhí caidreamh maith againn leis na leabharlanna áitiúla, mar shampla, an leabharlann ar an gCeathrú Rua agus an leabharlann sa Ghaillimh. Bhí siad in ann leabhair a bhain leis an gceantar a ordú go díreach ó na foilsitheoirí agus bhí sé sin á dhéanamh acu go rialta. Ó tháinig an córas nua seo isteach, tá an neamhspleáchas sin imithe uathu, rud a chiallaíonn nach bhfuil na leabhair seo ar fáil sna leabharlanna áitiúla.