Aengus Ó Snodaigh (Dublin South Central, Sinn Fein) | Oireachtas source

Tá a fhios agam go bhfuil sé sa dialann mar trí rud eile ar siúl ag an am céanna, mar is gnách. Tá a fhios agam cá bhfuil mé ag dul. Bhí an comhrá an-spreagúil agus tá sé i gceist againn dreamanna eile a thógáil ós ár gcomhair, na leabharlanna san áireamh. Bhímid ag smaoineamh ar na heagarthóirí liteartha agus a leithéid a thógáil isteach. Mar sin déanfaimid athsmaoineamh air sin agus féachfaimid an féidir linn iad siúd a thógáil isteach chun ceisteanna a chur orthu. An rud atá i gceist againn ná an tuarascáil seo a bheith chomh leathan agus is féidir agus an méid eolais is mó gur féidir linn mar choiste a tharraingt isteach agus na moltaí a bheith ceangailte le chéile mar tá a lán de na fréamhacha céanna ann. Tá an chuid seo den díospóireacht thart. Gabhaim buíochas leis na finnéithe as an gcabhair a thug siad dúinn inniu.