Dr. Aodhán Mac Cormaic:

Is éard atá ráite san Acht ná go bhfuil sé de dhualgas ar an gcomhairle contae aon iarratas a mbeidh, ina thuairim féin, tionchar aige ar chúrsaí teangeolaíochta sa Ghaeilge a chur ar aghaidh. Is léir go bhfuil na comhairlí ag ceapadh nach bhfuil tionchar ag tithe aonaracha. Is é sin an tuiscint. Ag dul ar ais go dtí an obair atá ar bun ag an gcoiste seo i dtaobh polasaí, tá jab le déanamh ag an Roinn i gcomhar leis an údarás polasaí a leagan amach a mbeidh ár gcomhghleacaithe sa Roinn Tithíochta, Rialtais Áitiúil agus Oidhreachta in ann é a roinnt leis na húdaráis áitiúla.