Aindrias Moynihan (Cork North West, Fianna Fail) | Oireachtas source

Tuigim go bhfuil gach iarratas le bheith seolta ar aghaidh. Ní gnáthrud é go mbeadh idirdhealú á dhéanamh ag an gcomhairle contae mar gheall ar an gcineál iarratas atá le seoladh ar aghaidh chuig grúpaí éagsúla aige. Seolann siad gach ceann go dtí An Taisce agus Uisce Éireann. Chuirfeadh sé ionadh orm dá mba rud é go raibh idirdhealú á dhéanamh. An bhfaigheann an t-údarás iarratais phleanála i gcomhair muilte gaoithe, bearnaí nua a oscailt ar chlaíocha nó scéimeanna tithíochta? Shamhlóinn nach mbeadh aon idirdhealú á dhéanamh agus go mbeadh siad go léir á seoladh ar aghaidh chuig an údarás.