Aindrias Moynihan (Cork North West, Fianna Fail) | Oireachtas source

Bhí ceist agam ar an údarás níos luaithe agus ní bhfuair mé freagra air. Bhain sé leis an tslí a bhfuil deis ag an údarás aighneachtaí a sheoladh ar na hiarratais phleanála. Tá ról ag an údarás ó thaobh teanga agus an chórais pleanála de. Bhí mé ag fiafraí conas nach bhfuil an t-údarás ag úsáid na deise sin chun aighneachtaí a sheoladh isteach ar na hiarratais phleanála, cur i gcás nuair atá Gaeilgeoir áitiúil ag lorg cead pleanála le haghaidh tigh dó nó di féin sa Ghaeltacht. Nach mbeadh an deis ansin ag an údarás aighneacht a sheoladh isteach ag tacaíocht leis an duine agus a rá leis an gcomhairle contae go bhfuil an duine sin tábhachtach don Ghaeltacht agus don phobal áitiúil agus go gcaithfí é sin a thógáil san áireamh? Bhí mé ag fiafraí cén fáth nach mbeadh an t-údarás ag glacadh leis an deis sin.