Dr. Aodhán Mac Cormaic:

Tá a fhios againn uilig go mbíonn na dúshláin sin ann speisialtóirí le Gaeilge a fháil scaití. Mar chuid den phlean náisiúnta, an bhfuil foráil déanta dóibh san Acht teanga nua. Má tá rialtais áitiúil nó údaráis áitiúla in ann poist a chruthú agus má théann siad ag cuardach duine nó dhó nó trí, caithfimid a bheith seiftiúil chun é sin a dhéanamh. Is ansin a thagann na nithe ar nós na moltaí atá luaite ag Paul Hogan isteach,mar shampla, go bhféadfaí seirbhísí a roinnt idir roinnt comhairle contae le go bhféadfaí seirbhís trí Ghaeilge a chur ar fáil do lucht na Gaeltachta. Caithfimid a bheith seiftiúil má tá deacracht teacht ar speisialtóirí. Ag an am céanna, caithfimid a bheith ag pleanáil don todhchaí agus scoláireachtaí nó rud éigin den saghas sin a chur ar fáil sna hollscoileanna chun daoine a fháil san fhadtéarma.