Marc Ó Cathasaigh (Waterford, Green Party) | Oireachtas source

Tá ceist eile agam. Deireann moladh 8 gur chóir bearta inacmhainne faoi leith a thabhairt isteach do cheantair Ghaeltachta a chabhróidh le pobail labhartha Gaeilge. Táim ag smaoineamh anois ar Chomhlucht Forbartha na nDéise agus an tionscadal atá idir lámha aige faoi láthair. An bhfuil sé d'intinn ag an Aire tacaíocht phraiticiúil a thabhairt d'fhorbairt scéimeanna tithíochta pobalbhunaithe a bheadh inacmhainne do mhuintir na háite? Tá pointe eile agam agus b'fhéidir go mbeidh tuairim ag Rónán Mac Con Iomaire faoi. Céard é tuairim an Aire maidir le húsáid a bhaint as talamh atá in úinéireacht Údarás na Gaeltachta nó a leithéidí chun tithíochta a fhorbairt ar chostas réasúnta inacmhainne?