Marc Ó Cathasaigh (Waterford, Green Party) | Oireachtas source

Chun díriú isteach ar chúpla ceann de na moltaí atá ann, is é moladh 4 ná go n-úsáidfeadh gach údarás áitiúil modh deimhnithe náisiúnta chun inniúlacht teanga a mheas, modh ar nós Teastas Eorpach na Gaeilge a luaigh Dr. Mac Cormaic níos luaithe. Fáiltím roimh an dea-scéal go mbeidh an TEG á úsáid agus go mbeidh leibhéal B2 leagtha amach mar riachtanas. Éiríonn ceist as sin. An bhfuilimid sásta go mbeimid in ann na coinníollacha sin a chur i bhfeidhm? Is é sin an príomhrud. Cén céatadán de na tithe a bhfuilimid ag caint faoi agus muid ag caint ar na coinníollacha seo? An bhfuilimid ag caint faoi 100% den tithíocht a chuirfear ar fáil laistigh den Ghaeltacht? An bhfuilimid ag caint faoi 50% nó céatadán eile?