Dr. Aodhán Mac Cormaic:

Bhí cruinniú agam le hOllscoil Mhá Nuad faoi sin. Aontaímid gur leibhéal B2 sa Ghaeilge labhartha a bheidh i gceist. Ní bheidh an scrúdú eile, scrúdú scríofa mar shampla, i gceist. Is í an Ghaeilge labhartha a bheidh i gceist. Beidh muid ag dul i ngleic leis na cainteanna sin a chríochnú suas agus córas a mholadh don Roinn Tithíochta, Rialtais Áitiúil agus Oidhreachta le haghaidh é sin a chur i bhfeidhm. Tuigim go dtógfadh sé thart ar choicís le scrúdú a eagrú d'iarratasóir. Ní chuirfeadh sé moill ar an bpróiseas má tá duine éigin ag ceannach tí.