Dr. Aodhán Mac Cormaic:

Le cur le ceist na mol digiteach, tá an t-infreastruchtúr ann. Tá Údarás na Gaeltachta ag forbairt infreastruchtúir agus gréasáin de mhoil dhigiteacha trí Gteic faoi láthair. Bhí mé i gceann thuas i nGaoth Dobhair thart ar mhí ó shin. Is mol state-of-the-art as an nua é. Bhí mé ar cheann i mBéal an Mhuirthead leis an Aire Stáit, an Teachta Chambers, an lá cheana. Tá siad ag dul isteach agus á bhforbairt chuile áit timpeall na Gaeltachta agus ar na hoileáin. Is deis iontach é sin. Má thagann an t-éileamh, tá an t-infreastruchtúr á thógáil ag Údarás na Gaeltachta.