Oireachtas Joint and Select Committees

Friday, 16 April 2021

Select Committee on the Irish Language, the Gaeltacht and the Irish Speaking Community

Bille na dTeangacha Oifigiúla (Leasú), 2019: Céim an Choiste (Atógáil)

Photo of Jack ChambersJack Chambers (Dublin West, Fianna Fail) | Oireachtas source

Sa chás seo, tá an tAire ag tabhairt deise don phobal agus do chomhlachtaí poiblí a gcuid tuairimí a thabhairt maidir leis na caighdeáin teanga de réir mar a fhoilsítear iad. Beidh tréimhse de trí mhí acu leis sin a dhéanamh. Tugtar cead don Aire an tréimhse sin a fhadú más gá. Sílim gur rud eisceachtúil a bheadh anseo ach is gá go mbeadh ann. Níl orainn ach féachaint ar an méid atá tarlaithe le bliain anuas le Covid-19. Dá mbeadh próiseas mar seo ar bun anuraidh, is mór an tseans go mbeadh iarratas faighte an tréimhse comhairliúchán a fhadú de bharr an bhealaigh ar cuireadh cúrsaí oibre as riocht go tobann. Mar sin, tá sé réasúnta an coinníoll seo a fhágáil mar atá agus ní bheidh mé ag glacadh leis an leasú seo.

Comments

No comments

Log in or join to post a public comment.