Oireachtas Joint and Select Committees
Tuesday, 16 February 2021
Select Committee on the Irish Language, the Gaeltacht and the Irish Speaking Community
Bille na dTeangacha Oifigiúla (Leasú), 2019: Céim an Choiste (Atógáil).
Aindrias Moynihan (Cork North West, Fianna Fail) | Oireachtas source
Baineann an leasú seo le margaíocht ó chomhlachtaí poiblí ionas go mbeidís ag plé le muintir na Gaolainne nuair atá siad ag déanamh fógraíochta agus pé airgead atá siad ag cur chuige sin. Faoi láthair ní fheadar an bhfuil pingin in aon chor á threorú chuig na meáin Gaolainne nó ag cur an scéil os comhair lucht éisteachta nó lucht léitheoireachta na Gaolainne. Mar sin, teastaíonn uainn go gcuirfí iallach ar na comhlachtaí poiblí plé le gach éinne, ní amháin plé le lucht an Bhéarla agus muintir na Gaolainne a fhágáil ar lár, ach plé le gach éinne chun a bhfógraíocht a chur amach os comhair gach éinne sna meáin éagsúla. Níl aon chaiteachas breise i gceist. Is amhlaidh gur caiteachas é a bhfuil ag na comhlachtaí cheana féin agus sciar de sin a threorú chuig na meáin Gaolainne a bheadh i gceist. Gan dabht, bheadh pé teachtaireacht atá acu á chur os comhair gach éinne ansin.
Tuigim go bhfuil ceist ann an bhfuil an leasú ceadaithe nó nach bhfuil. Tá sé mar atá ráite ag an gCathaoirleach agus tá teachtaireacht seolta chuig an gCeann Comhairle chun soiléiriú a fháil mar gheall ar an gceist. Is rud fiúntach é seo chun iallach a chur ar chomhlachtaí poiblí sciar dá gcaiteachas a threorú chuig fógraíocht as Gaolainn agus a chinntiú go mbeidís ag teagmháil le gach éinne, sé sin, muintir na Gaolainne agus muintir an Bhéarla chomh maith.
No comments